O 17 de Outubro de 2007, e dacordo co
mandamento da sesión plenaria do concello de Marín celebrada o 11 de Outubre do
mesmo ano, O concello de Marín solicitaba ao Ministerio de Fomento a
transferencia do principal vial de acceso ao noso municipio, o tramo urbano da
PO -11.
Esta transferencia tiña por obxeto formar
parte do proceso de negociación que dende ben iniciado o anterior mandato en
Xuño de 2007, dera comezo a catro bandas entre o Concello de Marín, a
Autoridade Portuaria de Marín, a Consellería de Ordeación do Territorio da
Xunta de Galicia e o Ministerio de Fomento, coa finalidade de dar continuidade ao núcleo do noso concello cara ao
noso porto e paseo marítimo de Antonio Blanco, facilitar un tránsito máis áxil
e seguro polo noso centro e dotar ao noso Porto dunha entrada digna no lugar
onde tivo a súa orixe, integrando o paseo marítimo con centro de Marín.
Estas negociacións deron finalmente froito
ao convenio de colaboración entre a Autoridade Portuaria, o Concello de Marín presidido
por Francisco Veiga e a Consellería de Ordeación do Territorio, para a mellora
da seguridade viaria na estrada Avenida de Ourense no núcleo Urbano de Marín,
dotado con 8.158.507,73€ firmado polas tres partes o 9 de Febreiro de 2009.
O compromiso do concello consistía en
aportar a cantidade de 382.800 €, cantidade transferida polo Ministerio de
Fomento en contrapartida pola asunción do vial antes referido PO – 11 no seu
tramo no concello de Marín. A trasferencia da Avenida de Ourense supuña para
Marín asumir una carga importante no futuro, pero era una carga que co convenio
firmado de máis de 8 millóns de € que lle daría un cambio de 180º ao noso
centro urbano, era asumible e asumido para os intereses do noso concello e de
todolos grupos presentes no pleno do concello que apoiaron por unanimidade
ámbolos dous cacordos.
Imaxe de Faro de Vigo |
O que ninguén contaba era que dende o
goberno do PP Xunta de Galicia, Porto e Concello, un convenio con validez
xurídica fose totalmente ignorado sen que a día de hoxe teñamos una explicación
por parte dos responsables do goberno galego nin, o máis avergoñante, dos nosos
gobernantes do partido popular no concello de Marín que permitiron, sin facer
ningún tipo de oposición, que o noso concello perdera una inversión de máis de
8 millons de euros nun momento no que calquer inversión por máis pequeña que
fora, é importante e necesaria para a supervivencia do noso sector empresarial
e comercial.
No momento actual atopámonos cun convenio
denunciado por parte da Xunta e da Autoridade Portuaria polo que en
consecuencia non existe, nembargantes, o trámite previo que permitiú o inicio
do proceso, a solicitude da transferencia da Avenida de Ourense, sigue en
vigor, á espera de que o ministerio atope a partida presupostaria necesaria
para facela firme.
Esta transferencia nestas condicións é
cando menos perxudicial para o noso concello, e eses 382.800 € que o noso
concello recibiría por parte do ministerio non serían contrapartida suficiente
para incorporar no noso inventario un vial destas características.
Por este motivo se solicitará ao pleno do
Concello de Marín que se acorde renunciar a solicitude do cambio de
titularidade do trazado da estrada Po-11 no término municipal de Marín debido a
non realización da obra prevista por Xunta, Porto e Concello.
Queremos denunciar a renuncia de María
Ramallo a un proxecto tan importante e de futuro para Marín, que transformaría
e humanizaría o noso casco urbán e permitiría a súa integración co Paseo
Marítimo de Antonio Blanco.
A Alcaldesa, tan acostumada a facer
declaracións na prensa sobre calquera tema, neste caso simplemente da a calada
por resposta sen explicar porque se renuncia a un convenio firme e vinculante
para as partes. A parte de acabar as obras xa iniciadas polo anterior goberno,
na actualidade non se ve ningún proxecto de futuro para Marín, o que se poderá
ir comprobando co paso dos meses.